قصة اليوم: لهذا السبب القانون لا يحمي المغفلين

كتار بيسألوا شو قصة القانون لا يحمي المغفلين ؟!هالعبارة يللي صارت عبرة لكتير ناس ودايماً منرددها الها قصة رح خبركن ياها

القصة يللي رح خبّركن ياها هي قصة حقيقية وصارت بامريكا .

كان في شخص فقير كتير وكان كل همّوا يصير غني كتير, فكر منيح كيف ممكن يصير من الاغنياء بشرط انو بدو يصير غني ب 8 ايام من دون ما يشتغل او يعمل اي مجهود .

وبعد التفكير، صارت وقت التنفيذ.نزّل اعلان بالجريدة بسيط كتير بيقول" اذا بدّك تصير غني، بعات دولار واحد على العنوان التالي" وطبعاً المقصود هوني عنوان بيتو.

ملايين من الناس بعتوا دولار واحد وهيك صار الفقير بالفعل من الاغنياء.

هالفقير يللي صار غني، نزّل بعد اسبوع اعلان تاني بذات المحلّ ت يشكر كل الناس يللي بعتوا دولار، وخبّرن انو هوي يللي صار غني وشرحلن كل شي صار.

اكيد عصّبوا كل الناس يللي تضحّك عليون هيدا الرجّال و تقدموا بشكوى ضدّوا للقضاء و لكن ما في حجة تدينه و قال القاضي مقولته الشهيرة
Law does not protect the ignorant
القانون لا يحمي المغفلين